ما تدمعيش يا عين
علي إلي عدي وراح
ما تدمعيش يا عين
ما تفتحيش في جراح
طول عمره كان الزمن
القاضي والدباح
فرق ناس عن اغلي ما ليهم
غرق ناس في دموع لياليهم
عود ناس علي طعم المر
قرب ناس من ناس بتخونهم
غرب شرق بدل لونهم
كاس علي كل الناس بيمر
ولا إحنا أول ناس
ولا إحنا أخر ناس
كان الزمن وياهم
قاسي وكان جراح
عود قلبي يودع فرحه
زود ألمه وناره وجرحه
دبل كل معاني الحلم
عرَف ليل الخوف أيامي
حرَف كل لغات أحلامي
نور كل مواني الظلم
وإيه إلي بالإمكان
وأنا في الحياة إنسان
لو زمني حابب جرحي
سيب الزمن يرتاح
اكبر قلب أتحمل ألمه
اكتر واحد جرحه وظلمه
كل طريقي لا نور ولا شمع
اشكي ح اشكي لمين من مين
ح ابكي ح ابكي سنين وسنين
إيه ها يفيدنا يا عين م الدمع
دا فوق الجبين مكتوب
ناس في الأماني تدوب
وناس تعيش وتموت
محرومة من الأفراح
ما تدمعيش يا عين
علي إلي عدي وراح
ما تدمعيش يا عين
ما تفتحيش في جراح
طول عمره كان الزمن
القاضي والدباح